موجه كوميدى....مش هتقدر تغمض عنيك ....شعار اقتبسته عن روتانا...
ايه علاقه موجه كوميدى وروتانا والشعارات بعنوان المقال
برنامج ساخر على قناه موجه كوميدى....طلع واحد كوميديان وبيحكى ....هيكون ايه رد فعل اى بنى ادم مصرى لو شاف واحد بكاميرا و" مايك " بيسأل : انت بتحب مصر ؟؟
هيكون رد اى بنى ادم من البنى ادمين المطحونين او المعجونين : انا بموووووووووت فى مصر....
انا بمووووووت فى مصر ....= انا بموت فى مصر بمعناها الحقيقى...
اى ..... بتطلع روحى فى مصر
Means : I'm dieing
Dieing
يعنى انا بموت فى مصر ماهى الا جمله مرتدية عباءه بمبى ف بمبى ملتصقه بجسد مهترىء تغزوه ديدان اللحم الميت....
*جمله تعلن او تلخص حال المصريين " المعجونين " فى جمهوريه مصر العربيه
ام الدنيا.....
**لماناس عايشه تحت المجارى _ تحت مش جمب _ يبقا اكيييييد دول بيمووتوا فى مصر....
**لما واحده تقعد جمب " ذباله " مرمية فى الشارع.....مش ذبالة ملوثه بالذباب وبس ...لا كل اللى تحبه من فضلات الحيوانات الجوعى ...لما تلاقى الواحده دى بتحاول تنقى اى حاجه تصلح للأكل من وجهة نظرها البسيطة...علشان بكل بساطة تأكل عيالها ....اللى بردو بكل بساطة هيموتوا من الجوع.....اقصد اللى بيموتوا فى مصر.....
تبقا دى اكيييد بتموت فى مصر
**لما واحد كل اللى عمله فى دنيته او الجرم الوحيد اللى ارتكبه هو انه بيطالب بحقه فى الحياه فى وطن يكفل ليه حقوقه....وفى النهايه " يترمى "فى معتقل
يبقا دا اكيد بيموت فى مصر
**لما واحد يقف قدام جزار ويطلب ربع كيلو " عضم " علشان يعمل شويه شربه لعياله اللى مش لاقيين ياكلوا ....يبقا دا او دول بيموووتوا فى مصر
**لما واحد يقبض من الحكومه معاش قيمته 100 جنيه كل شهر وتطالبه هى هى نفس الحكومه ب 300 جنيه تمن استهلاك ميا وكهربا
يبقا دا اكيد بيموت فى مصر
و.....
و.......
و.........
ياناس كفايه بقاااااااااا....احنا بنموووووت فى مصر
دا كان الشكل القديم للمدونة دى بكلماتها دى من مده قبل ماتتنشر
اجلت النشر لظروف دراستى
وبعد وفاة خالد سعيد
واللى حصل وبيحصل مع محمد صلاح
هذود جمله اخيرة.....
مش جديده ولا حاجه...
نص الجمله :
احنا
فعلا
بنموت
فى
مصر.
بنموووووووووووووووووووووووووووووووووووووووووووووووووووووت
