علشان تعلى....وتعلى ....وتعلى....
لازم تطاطى ...تطاطى ....تطاطى...
دكتر ممتحن قالها لزميله لى ...فى لجنه امتحان شفوى....قالها كنوع من المزاح محملا كما اظن بالقليل من الاسى والسخريه والاستهزاء من .........حال مصر ام الدنيا
ابتسمت ابتسامه تلقائيه.....فقط لانه لخص يوما كاملا....او حياه كامله لدى البعض....واجاب او ازاح الكثير من علامات التعجب والاستفهام المبعثره بعقلى.
ــــــــــــــــــــــــــــــــــــــــــــــ
اقلعى البتاع دا ...
شيلى الكمامه دى ....
كلمات تقال لكل ممتحنه منتقبة فى لجنه امتحان ....استفززت كثيرا لهذا الامر لمده ترم كامل ....ولكن....طفح الكيل....لابد من ان تقول انت لا ....
لم اشعر سوى بلسان يتحرك ....
ممكن تجيبو واحده تشوفها وتتحقق من شخصيتها وتسلموها ورقه اجابه...ليه سبب الاعتراض على الكمامه...لو عندها انفلونزا وداخله بيها محدش هيعترض
ينصح بارتداء كمامات اثناء الاصابه بعدوى الانفلونزا منعا لانتشار العدوى....ملصقات وزاره الصحه فى كل مكان...
ولكنى ايضا اعترض على ارتداء تلك الكمامه...فتلك الفتاه ليست بفيرس يمنع انتشاره...الا انها " الكمامه" قد تكون افضل الحلول فى الوقت الراهن...
لا بردو لازم تقلعها
يادكتر ممكن واحده تتحقق من الشخصيه و...و.......و......و..........و....
وانت مالك؟!!!
زميلتى ومن حقها تاخد ورقه اجابه زىّ زيها
اعلم انه حوار لم ينم عن اى نوع من انواع قله الادب او قله الزوق " من ناحيتى " سوى انى تناقشت او اعترضت " فهذا فى حد ذاته ......قلة ادب " من وجهة نظر اساتذتى...
حوار قصير جدا انتهى بخروج هذا الدكتور من اللجنه...ومع رفع البنت للنقاب....ظلما ...وقهرا ....و.....و....
بدأت اتمالك نفسى ...فأنا لا انوى ترك ورقة اجابتى بيضاء...لم اعتد ذلك...ولن ابدأ اليوم...
شعرت بشخصين يقتربا على جانب "الطرقه" احدهما قال لى وانت مالك منذ قليل....والاخر...رئيس قسم ماده... ورقة اسئلتها بين يدىّ...
لمحة سريعه رأيتهم...وعدت الى ورقة اجابتى كى اكمل عباراتى وكلماتى و....علاج الحاله...
روضه عبد الحى محمد....اظنه صوت احدهم ينادى تلك الفتاه....ايوا انا .....اشار لى رئيس قسم ماده اليوم بشىء مستطيل الشكل يحمل صورتى ...اخذوه من لجنه المراقبه....لا ادرى من سمح بذلك....
تعالى خذى الكارنيه بتاعك من القسم...
اوك
اظنه تهديد....لا اعبأ...فأنا على حق
ثانية تكرر نفس الموقف....متخافيش...قالها لى اصدقائى من حولى بصوت خافت ....لا اعبأ ....لا اعبأ....فأنا على حق
اتمالك نفسى ...استرجع معلوماتى ... لم يكتب فى كارنيهى يوما " مستجد تخلف " ولن يكون كارنيه عامى القادم استثناء
فلتتمالكى نفسك...عدت سريعا الى ورقة اسئلتى وصفحات اجاباتى...
الساعه الحاديه عشر...لا اهوى الخروج مبكرا من الامتحان ...الحاديه عشر....ألملم اقلامى استعدادا للرحيل....
· لأ انتى غلطانه
· لأ عندها حق
· لأمكنش المفروض تكلمه
· لأ هى مقالتش حاجه غلط...قالت رأيها
· مينفعش حد يقول رأيه فى البلد دى
· لازم تسكتى علشان تعيشى وتعدى السنتين دول على خير
جمل وكلمات متفرقه متناقضه من اشخاص مختلفه ....قيلت عنى .... او ....لى.
هيييييييييه لما اروح اخد كارنيهى ...لابد من نقاش ...فأنا لن اذهب للاعتذار عن صح فعلته او قلته " وان كان من وجه نظر البعض ......قله ادب "
*ينفع اللى عملتيه دا؟؟؟؟؟؟؟؟؟؟؟؟؟؟؟؟؟؟؟؟؟
_ يادكتر انا قلت كذا كذا كذا ....وفى النهايه وبغض النظر ان لبس النقاب التزام دينى فهو حريه شخصيه ....يعنى محدش هيعترض على واحده داخله لجنه امتحان بـــ " برمودا " و " كات "....يقولون حريه شخصيه
و....و.......و.......و.........و.........و..........و........
نقاش عقيم انتهى منذ البدايه بانى مخطئه او انى لابد من اكون المخطئه .....فقط لانهم مدرسىّ
* شخطى وزعقتى فى الدكتور و....و........و.....
_ يادكتر انا كلمته بكل زوق.....و....و.....و........و........
*لأ انتى كدابه.....
_ يادكتر لو مش مصدق هات الطلبه يشهدو
*لأ انا مشهدش طالب على استاذ
_ ليه يعنى .....!!!!!......هو علشان استاذ لازم هو الصح ....وعلشان انا طالبه لازم انا غلط !!!!
*اه ....هو كدا ....
يعنى لو باباكِ غلط تروحى تشتكيه لمامتك وتجيبى اخوكى يشهد
_ ايوا ايه المشكله !!! بابا بشر ...وبيغلط.....بالاضافه الى ان الدكتور دا مش والدى....
لااااااااااااااا
انا كنت متعاطف معاكى .....بس بما انك كدا خلاص ....الورق اللى هيجينى انا هكتب فيه كل حاجه ....
تقريبا بيقولى انا كنت فاكرك جاى تعتذرى بس بما ان دا محصلش اشربى
نهايةً....نقاش عقيــــــــــــــــــــــــــم
طيب يادكتر انا عاوزه الكارنيه بتاعى....
خديه مع التحقيق.
اوك....سلامو عليكم.
*يابنتى اعتذرى...طب ادخل معاكى ونكلمه ونعتذر
_ انا
مش
هعتذر
مـــــــــــــــــــــــــــــــــــــــــــــــــــــــــــــــــــــــــــش هعتذر
فجأه لم اتمالك نفسى ونزلت تلك الدموع اللعينه قائله مين مصر دىىىىىىىىى....انا حاسه ان فيه حاجه غريبه فى البلد دى ....لازم يطلعونى غلط ....مجرد نقاش بمنتهى الزوق تحول لمسمـً جديد " قلة ادب "
لن اضعف ....اتمالك نفسى للمره الـــ.....
لا ادرى
لن اعتذر
تحقيق !.... وان يكن
سأرسب السنه بأكملها " ليس تقصيرا وانما ممارسه سلطه من احدهم " ! ....وان يكن
ولن اقولها يوما علشان تعلى وتعلى وتعلى
لازم تطاطى تطاطى تطاطى
لن اطبقها يوما
ولن اعتذر لاحد
ولن اطاطى....وسأعلو...ان لم يكن مركزا او منصبا ...فيكفينى ان اعلو ....بنظرى انا
فقط ...لن اطاطى
